Myanmar Vice President in Saisihchhuah Indo-Myanmar Border trade a tlawh

Sangau 6.2.3018 : Dt 3.2.2018 khan Vice President of Myanmar Pu Henry Van Thio leh Myanmar Minister 8 te chuan  Saisihchhuah border trade centre lei (bridge) dawhna tur an en.

Sangau 6.2.3018 : Dt 3.2.2018 khan Vice President of Myanmar Pu Henry Van Thio leh Myanmar Minister 8 te chuan  Saisihchhuah border trade centre lei (bridge) dawhna tur an rawn en. Myanmar Vice President hi Mizoram atangin Minister of State Pu C.Ngunlianchunga, LADC EM, Pu, C.Lallungmuana, Adviser to CEM Pu Vanlalsanga , Pu, F.Rohnuna MDC, CYLA, LSA, LWA , Sangau Media leh Trade & Commerce lam hotuten Ralvenchhuah ah anlo dawngsawng a ni.

Saisihchhuah border trade centre leh Lei dawh chungchangah hian Mizoram CM lehkha copy leh thildangte ziakin Pu, F.Rohnuna‘n Myanmar Vice President kutah ahlan a. Minister Pu, C. Ngunlianchunga leh LADC leh NGO hruaitu dangte pawhin Vice President hi inbiakna neih puiin zahna thilpek an hlan. Pu C Ngunlianchunga Minister chuan Mizoram sorkar hmalak dan pawh Vice President hi a hriattir a ni. Myanmar Vice President Henry Van Thio chuan Saisihchhuah border trade centre chu a hlawhtlin ngei theih nan atul ang anga hma alak chhunzawm zel thu sawiin, India Sorkar in Lei dawh hna hi Myanmar Sorkar kuta ahlan theih chuan chak taka hma lain hnathawh a tum thu sawiin Engineer te pawhin bridge dawhna turhi an en tawh thu a sawi a, Lei dawh chu ahun chhung a tihhlawhtlin ngei a tum thu a sawi a ni.

Indo-Myanmar Border trade centre tura duan mek, Pangkhaw bul Saisihchhuah (Sangau atanga Kilometre 15 vel ahla) a awm ah hian Mizoram sorkar pawhin hmathlir thui tak neiin hma ala chho mek zel a, India leh Myanmar atangin Motor kawng pangaiin Saisihchhuah hmun hi apawh ve ve tawh a, India lam atangin India Force Road Double lane laih hna kalpui mek niin kawngpui zautak sial a ni a, Saisihchhuah thlen hma Sangau khaw thlang lawk a awm Pangkhua thlengin Black topping hna thawh zawh tawh a ni. Myanmar atang pawhin Myanmar Sorkarin kawngpui zau tak Double lane rawn laiin Kawngpui lian in Saisihchhuah border (Chhimtuipui) ala pawh thlen lohna chu Kilometre 7 vel chauh a ni tawh a, hetih lai hian he kawngpui hi hawn ni lo mahse tunhma kawng awmsa ah Medium Motor Vehicle chin chu India leh Myanmar inkarah hian an tlan reng tawh a ni. Saisihchhuah border trade centre area chhung Ralvenchhuah ah hian Lei (bridge) dawh anih chuan Hakha-Thantlang-Sangau-Lawngtlai kawng zawhin a KMMTTP road hmangin Akyab lawngchawlhna atangin Myanmar chuan bungraw tam tak a lalut in a thawnchhuak thei tawh dawn a ni.

Leave a Reply